Լրատվություն

Այս շաբաթը ստեղծագործական նորություններով հագեցած կլինի նաեւ Սոնա Ռուբենյանի համար: “Աշնան սերենադ”` այսպես է կոչվում երգչուհու նոր տեսահոլովակը, որի պրեմիերան կկայանա մոտ օրերս: Երգի խոսքերի հեղինակը Էլիտա Հարությունյանն է, երաժշտությունը Վազգեն Քոլոյանինն է, գործիքավորել է Արմեն Ձամուկաշվիլին: Տեսահոլովակի ռեժիսորը Հրաչ Ղուկասյանն է                                     Պրեմիերա նախագծի շրջանակներում, երբ մեզ էին ուղարկում անհայտ ստեղծագործողների աշխատանքներ, ես ընտրեցի այս երգը: Որոշ ժամանակ անց որոշեցի, որ այն պետք է նաեւ տեսահոլովակ ունենա”,- BRAVO.am-ին ասել է Սոնան`հավելելով, որ հենց “Աշնան սերենադ”-ն  է իրեն հաղթանակ պարգեւել նախագծում: Սահամանված մրցանակը`տեսահոլովակը, ցանակացել է հենց այս երգի հիան վրա լինի:

Տեսահոլովակի նկարահանումները սկսել են դեռեւս մեկ տարի առաջ: Երգչուհու խոսքերով, իր մասնակցությամբ գեղեցիկ աշնանային  կադրեր կան, իսկ սյուժետային հատվածում զույգերի բաժանումը եւ միացումը ներկայացված է պարային լուծումներով: Նրա խոսքերով, անհամբեր է, չի ցանկացել սպասել եւ աշնանը պրեմիերան ներկայացնել, որոշել է`պատրաստ լինելուն պես հանձնել երկրպագուներին:

Խոսելով ստեղծագործական այլ նորություններից`Սոնան նշել է, որ դեռեւս վաղ է խոսել ձայնասկավառակից, բայց արդեն պատրաստ է եւս մեկ երգ, որի youtube-յան տարբերակն այս շաբաթ եւս կլինի: Բացի այդ, երգչուհին դուետով հանդես կգա Արսեն Գրիգորյանի հետ:

“Ամառային հանգստի մասին դեռ չեմ մտածել: Առաջիկայում դարձյալ նոր երգեր կլինեն: Եթե այս ոգով աշխատեմ, գուցե հանգստանամ ձմռանը”,- ասել է նա:                                    Ի դեպ, երգչուհին նաեւ հաստատել է ընկեր ունենալու մասին լուրը: Փակագծեր բացել չցանկանալով` միայն նշել է, որ հանդիպում է «Շանթ» հեռուստաընկերության նախկին աշխատակից Վահագն Ստեփանյանի հետ, ում հետ ծանոթացել են “Նոր ալիք” մրցույթի ժամանակ: